細個時，有間電訊公司叫"其士"，認真好叫唔叫．．．"歧視電訊"，咁係咪要用番飛鴿傳書先?

 

大個喇，知道信仰歧視．種族歧視．性別歧視...係嚴重嘅歧視，但係我呢隻歧視，又算唔算嚴重呢?

 

我有"懶．蠢歧視"，即歧視蠢人懶人，不分國籍，無論性別，不限信仰!

 

有時，豬西(蠢人)已經好難頂，仲加埋懶，死未? 如果再加埋黑口黑面，我再好脾氣（更何況我唔係）都會Delay No More!

 

有時真難明，呢啲人究竟想點？想証明自己係扶唔上壁，抑或係新一代大晒，定係我有我主見，想做就去做，唔想做就唔做?

 

如果我保持以前嘅臭脾氣，我諗我會鬧到佢哋喊，再加嚇到佢哋...見到我就調頭走，聽到我把聲都驚......但係而家究竟係我當咗佢哋係自己家人，要包容諒解，

定係自己收咗火，又或者見慣不怪呢?

 

真係唔知.

 

凈係知，我會繼續歧視懶人蠢人．

 

至於解決方法，可能佢哋需要問自己，想我點解決佢哋...