遲到，永遠遅到，三點不露．藉口擒晚夜收工，最好就係！擒晚十點鬆人都叫做夜！

 

文案唔準改．一改，就話自己本來嗰份差唔多啫．

 

高級美指Layout唔準改，畫到一篤屎咁都唔準改．你要改，佢就搵個美術底CD頂住．吹咩? 然後再喺佢同輩唱你專橫，唔畀freedom佢．

 

一次過，開6個MSN Window，打打打打打打打...十足公司請你返嚟做MSN傳訊員．完全冇內疚感！

 

又因科技發達，人人一部NDS．開工打，度橋打，六點夠鐘打，一得閒就打．．．要佢睇下書，學多啲嘢，開闊自己知識層面，佢話你老土黐Q線！

 

試過有人打電話見工，第一句就講：有人話你嗰team請人，係咪？我問：請問邊位referral？嗰位人兄夠胆話：你咪理啦．你係咪要請人呀?

 

唉，新一代，世界太怪，一蟹不如一蟹．