| Profilo di Kin23 一紙天地FotoBlogElenchi |  Strumenti  Guida |
|
28 agosto Creative CommentsComment 聽得多，呢句真係未聽過!
某project 籌備經月，十數次改動後，終於可以見其大袋！（仲未出街）
大袋，每每只是畫龍點晴，只對一兩個標點有疑問，只會稍為改動策略上的一兩字......無關痛癢！見大袋，是俾面，是過過目，通常係咁意做場戲．
做大袋的，也明白project已經被下屬十數人，三四個部門，一至通過，所以他絕不會不識趣地"大改動"．因為，一來他沒時間，二來他要扮懂得做大事，三來證明他信得過部下，四來他不想被問候．．．將人家多月來的心血，傾倒下海，必被廣告人連續一星期早午晚問候！
至於對某project，大袋當然一貫地讚好，並祝拍攝順利．
但，事隔一小時後，某經理來電，要求整份文案修改！西裝部同事，當然說你老闆大袋睇過，仲讚添，點解要改呀?
某經理答:喺佢大讚之前，其實佢"唔..."咗一聲，代表佢對份文案有疑問．你哋搞搞啦...
？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？？
咁都得？問你死未？！
咁以後咪可以：
例子一：喺佢大讚之前，其實佢條眉戚咗一戚，代表佢對份文案有疑問．．．
例子二：喺佢大讚之前，其實佢吞咗啖口水，代表佢對份文案有疑問．．．
例子三：喺佢大讚之前，其實佢有呼吸，代表佢對份文案有疑問．．．
例子四：喺佢大讚之前，其實佢用咗零點零零一秒望咗一望個窗，代表佢對份文案有疑問．．．
例子五：喺佢大讚之前，其實佢個腦諗緊嘢，代表佢對份文案有疑問．．．
例子六：喺佢大讚之前，其實佢有條頭髮輕輕郁咗一下，代表佢對份文案有疑問．．．
例子七：喺佢大讚之前，其實佢條Tie打得唔好，代表佢對份文案有疑問．．．
例子八：喺佢大讚之前，其實佢仲未讚，代表佢對份文案有疑問．．．
例子九：喺佢大讚之前，其實佢想食飯，代表佢對份文案有疑問．．．
例子十：喺佢大讚之前，其實佢星期六約咗二奶，代表佢對份文案有疑問．．．
例子十一：喺佢大讚之前，其實佢司機今日病咗，代表佢對份文案有疑問．．．
例子十二：喺佢大讚之前，其實佢老婆肥咗一磅，代表佢對份文案有疑問．．．
如此牽強附會，又可以無限上網，例子一萬個一千個都得......．客戶，我好難幫你啫．
客戶，改，絕對唔係問題．問題係，有乜原因要改． 14 agosto 好熟呀？姓名，自古以來，就是確定身份，界分別人。
以前，皇帝名字，是為名韙。天子登基，其名韙全天下都要避忌。譬如康熙即位，他名叫愛新覺羅．玄燁，那普天之下所有臣民便得避忌。有胆直呼其名者，或順治或孝莊皇后或端敬皇后，僅此數人。
至今，叫你就叫你，當然無所避忌，也沒什麼好避忌。
你叫Tommy，我叫Kenny，一切來得順其自然。
但…我沒有英文名。
假若，父親當初為我加添一個字，也可方便人叫作CK或AK或PK。
但…我名只有一個字。
你不會叫我做K吧?! 我也不想做Man in Black!所以，自幼人們便直呼我全名。兩個字，來得簡單，叫得便捷，耳來順耳。
除非，一些相識十多年的兄弟，或是一起三十多年的家人，便叫單字：健。此時此刻，大家不太稔熟，我連閣下台端姓什名誰也沒概念，你．叫．我：阿健？阿姐阿嬸叫我健，當然無所謂，也來得親切。不過姐姐仔呀，你做得我外甥女，人叫我阿健，你又學人叫我阿健，你不覺得別扭嗎？你不覺得不好意思嗎？你當我打雜嗎？
真想我名字叫小李，每逢介紹自己予新相識，便可以謙虛、客氣地說：「你以後叫我小你得嘞！」 09 agosto 屎坑關刀年幼，小學老師教落：做人千祈唔好做屎坑關刀，聞又唔得，舞又唔得．
當年一聽，不禁大笑，直記至今．一句之中，蘊含意景，兼具圖像，並備氣味，更有教育之效，實難得．
後來看多了歷史書，知有文武雙全者，頗眾．
岳飛，眾所周知，殺退金人之外，還作滿缸紅．小重山，連羅文也運真氣提腔一唱，千年文字流行現代．
曹操，文章盛極當世，一句"銅雀春深鎖二橋"，足見其筆力．
至清，滿將納蘭聖德，詞鋒傷人，又遠較其武力利害．一首浣溪沙："誰道西風獨自涼，蕭蕭黃葉閉疏窗，沉思往事立殘陽，被酒莫驚春睡重，睹書消得潑茶香，當時只道是尋常．" 看後，使人恍如置身當年，目睹他執筆時的傷感，思憶串串淚下的悲愴．
當然，文武兼備者，古時大有人在，我只知冰山一角．
今天，屎坑關刀亦大有人在，我卻親眼遇見不少．
他們雖然聞不得，舞不了，但卻發揮屎坑關刀另一威力，擾人清夢，令方圓百里臭氣衝天，而你，卻又奈何不了他，既不能觸碰，復不想行近．
吹咩?!
看來，唯有避之則吉．
07 agosto 寵壞你天生沒有想像力，沒問題．等我仔細地詳細地解釋．．．
什麼？不明白？那裡？等我再詳細解釋你聽？要reference？好，我找找.什麼？要一模一樣的reference？這豈不是抄？什麼都要做足參考？
以上，是某日我和西裝部的對答．
一個平面稿，四色插畫，電腦上色，人物栩栩如生，活龍活現，場景再用相片合成．還怕客戶不明白．．．要有reference！
結果，稿中主角的微笑，要有reference．
各個主角的衣飾，要有reference．
地氊，要有reference．
門窗，要有reference．
燈光，要有reference．
雙手獻花，要有reference．
沙發，要有reference．
道具，要有reference．
連左手插褲袋，都要有reference．
那拇指突出與否，又要有reference．
藍天白雲，要有reference．真的，要有reference．
一個稿，就如此多無謂reference．兩個稿，乘二．無謂工作量，乘二．
假若，連藍天白雲都要有reference，這客戶應該不是地球人．但，我見過客，他們跟我們長相一樣，應該不是ET．．．
看來，是西裝部同事...惹事！
一日一日的寵壞，一個稿一個稿的寵壞，一個reference一個reference的寵壞．到頭來，客戶以為這是對的，然後某一日與人閒談，說起廣告公司沒有給那海洋的reference...
人家不會以為他是白痴，是什麼？不以為廣告公司是白痴，是什麼？
近年，我可以在客面前坦白．對某些高智商客戶，在PPM時問起Music Reference，我會說："那是假的，不要騙自己，你又沒錢買下copy right．我只可提供direction．就算在rough cut，你聽到的也是假的，請勿評論．" 客戶接受，可能他們高智商，可能他們明白，也可能他們沒錢買copy right．
太習慣依賴reference，只會再次省靚抄襲招牌！（又或者有reference 去reference第一個reference）
|
|
|
